Ang maong grupo nga gilangkuban sa mga militanteng pundok ug ubang miyembro sa Integrated Bar of the Philippines naglaraw nga pugngan ang signature verification nga gilusad sa kalungsuran diin ang Provincial Comelec maoy mihimo sa verification .
Ang kakulang sa rekisitos pagsang-at og susamang petisyon nga Prohibition with prayer for Temporary Restraining Order and Writ of Injunction sama sa sworn certification of non-forum shopping, certified true copies of relevant documents ug gikinahanglang beripikado kini.
Sumala pang Atty. Edwin Cadungog ang Provincial Comelec Officer sa Banat News kung duna may angayang i-restrain kini mao ang Comelec ug di ang provincial Comelec gumikan kay nagsunod ra ang lokal nga buhatan sa ilang mga labaw sa nasyunal nga ang-ang, ug aron ma-restrain ang Comelec kinahanglang sa Korte Suprema kini himuon.
Tuyo sa maong signature campaign mao nga gamiton kining mga pirma aron mopaluyo sa People's Initiative aron mausab ang Konstitusyon.
Si Cadungog dako og pagsalig nga bisan wala ibasura ang petisyon di gihapon kini molahutay gumikan kay 'moot and academic' nga daan base sa kakulang sa mga rekisitos sa maong petisyon.