Tungod niini gimandu sa mayor ang dinaliang pagpapahawa sa mga nagpabiling pamilya nga nag-okupar sa condominium sa siyudad aron mapahigayun ang dinali-ang rehabilitasiyon sa maong edipisyo nga gi-planohang maoy himoong kwarintina sa siyudad niadtong matakboyan sa bird flu.
Gi-angkon hinoon sa mayor nga wala pa hingpit nga nakasulod dinhi sa dakbayan ang sakit nga bird flu apan matud ni Osmeña dili pa andam ang siyudad pag-alkontra sa bird flu gawas lang sa pagpangandam.
Gibana bana sa mayor nga magahinan og P10 milyones alang sa maong katuyo-an kon hingpit na unyang ma-deklarar ubos sa special emergency ang dakbayan pagpangandam batok ning maong matang sa sakit.
Pagkakarun ang City Veterinary Office pinaagi ni Dra. Alice Utlang nagsige pa karun sa pagpanguha ug mga blood samples sa mga manok diha sa mga lugar sa Mambaling, Inayawan ug Pardo pagsusi kon wala ba kini matakboyi ug bird flu.
Kini human masuta nga nagsigi na og bisita diha sa Pond A ug Pond B sa South Reclamation Project (SRP) ang mga migratory bird gikan sa lain laing lugar ug kanasuran nga maoy usa sa gitumbok nga nagdala sa maong sakit.