Ang nalandig sa tambalanan giilang si Erwin Chua,34, minyo ug molupyo sa St. Joseph compound barangay Guadalupe ning dakbayan samtang ang gitumbok nga namusil kaniya mao ang silingang si Remo alyas Reming Badayos, hingkod ang panuigon.
Sumala pa sa imbestigasyon sa Homicide Section kasamtangang nagduwa ang biktima og baraha uban sa iyang mga silingan dihang miabot ang suspek ug walay daghang pangutana kalit nga gidul-itan og pusil ang liog ug walang bukton.
Si Chua daling gitabang ug gidala sa Cebu Doctors Hospital samtang nasikop usab ang suspek nila ni SPO2 Mario Revilla sa Mobile Patrol Group nga miresponde sa maong alarma.
Gisusi pa karon sa kapolisan kun unsay motibo sa hitabo.