Ang pagpamusil nahitabo alas 6 pasado ang takna sa miaging gabii sa Lower Kawayan, Sambag II sa siyudad sa Sugbo.
Ang biktima mao si Sander Pala, 21 anyos, ulitawo nga nagpuyo sa dalan B. Rodriguez sa siyudad sa Sugbo.
Ang nagpusil sa biktima giila nga mao si Romeo Rico, alyas Micmic nga nagpuyo usab sa maong dapit.
Si Marcelino dela Cruz nga bayaw sa biktima miasoy sa kapolisan nga giatngan sa suspetsado ang biktima nga naglakaw pauli sa ilang panimalay ug gipusil.
Dugang pa ni Dela Cruz nga may panagbangi ang biktima ug ang suspetsado ug ikaduha na nga higayon ang pagpamusil niini.
Ang biktima nagpaalim karon sa sulod sa Cebu City Medical Center sa mga samad pinusilan, samtang ang suspetsado nga nakasibat padayon na karong gipangita sa kapolisan.