Patay'ng lawas sud sa langub

Nadugta na nga naabtan ang patay'ng lawas sa usa ka lalaki sud sa langub sa sitio Kabuyan, barangay Tabunan ning dakbayan sa milabay'ng Biyernes sa buntag.

Ang patay'ng napalgan mao si Dennis Llamido, 29, ang panuigon, ug molupyo sa Sitio Kantipla sa naasoy'ng barangay.

Sumala ni PO3 Henry Estoy sa Homicide Section giduaw sa amahan ug igsuon ang biktima sa langub nga iyang gipuy-an sulod sa tulo na ka tuig sukad nga nagdeperensya ang pangisip niini diha sa tunga-tungang bahin sa kalasangan aron maghatud og pagkaon para sa biktima.

Apan nakugang nalang sila si Aurelio (amahan) ug igsuong si Michael sanglit nadugta na kini, sumala pa sa mga kabanay sa biktima niadtong milabay'ng semana pa kini ulahing nakit-ang buhi diha sa langub. Ang biktima gihatud na sa San Fernando Funeral Homes.