Juday iiwan ang ABS-CBN?

MANILA, Philippines – Umuugong ang balitang iiwan na ni Judy Ann Santos ang Kapamilya network kapag pinutol ang pag-eere ng kanyang pinakabagong teleserye na "Huwag Ka Lang Mawawala."

Sa column ng manager ni Judy Ann na si Alfie Lorenzo sa Abante-Tonite, sinabi niyang tinitingnan niya ang mga posibilidad na maging proyekto ng kanyang alaga sa Kapuso at Kapatid network.

Lumabas ang tsismis na pag-over the bakod ni Judy Ann dahil sa pag-cancel ng kanyang soap opera sa ABS-CBN sa susunod na tatlong lingo.

 â€œEh blessing in disguise pa ang nangyayari ngayon dahil 'pag natapos na ang Huwag Ka Lang Mawawala ay mawawala muna sa ABS-CBN si Juday,” sabi ni Lorenzo sa kanyang column na lumabas ngayong Huwebes.

“Dahil hindi siya nag-MMK eh sa Magpakailanman siya gagawa,” dagdag ng talent manager. “

Sinabi pa ni Lorenzo na wala ring naka-lineup na pelikula ang Star Cinema kay Judy Ann kaya puwedeng-puwede ito gumawa sa TV5.

‘Still processing things’

Kita sa mga tweets ni Judy Ann ang kaguluhan sa kanyang isip kung itutuloy ba niya ang pag-alis sa ABS-CBN.

May nagtanong pa kay Judy Ann kung lilipat nga ba ito sa ibang network.

Sagot ni Juddy Ann ay “still processing things.”

To stay or not to stay....

— Judy Ann Agoncillo (@OfficialJuday) July 29, 2013

Give the ones you love,wings to fly..roots to come back and a reason to stay..

— Judy Ann Agoncillo (@OfficialJuday) August 5, 2013

@telmar_let still processing things. :-)

— Judy Ann Agoncillo (@OfficialJuday) August 5, 2013

Theres a difference between giving up and when you had enough.

— Judy Ann Agoncillo (@OfficialJuday) August 7, 2013

Hindi lamang si Judy Ann  ang big star sa industriya na napapabalitang tatawid sa kabilang network. Kumakalat din ang mga tsismis na lilipat sa ABS-CBN ang kapuso superstar na si Marian Rivera.

Nitong kamakalawa lamang ay iniwan na rin ni Ogie Alcasid ang GMA7 at pumirma ng tatlong-taong kontra sa TV5.