Tungod sa gugma, duha naghikog
CEBU, Philippines – Naghikog ang 34-anyos nga lalaki sa Tagaytay, Vito, Minglanilla niadtong Sabado sa alas 8 sa buntag.
Si Sherwin Gangaita, lumad nga taga Guihulngan, Negros Oriental, usa ka warehouseman sa Dakay Construction nga nagbase sa Bohol, giingong naghikog tungod sa problema sa gugma ug kwarta.
Nakit-an na lang si Gangaita nga nagbitay gamit ang usa ka yellow nylon nga pisi nga gihigot sa iyang liog.
Nagbilin og suwat si Gangaita sa hinungdan sa iyang paghikog.
Samtang minor de edad naghikog sab sa Barangay Kawasan, Aloguinsan pinaagi sa paghigot og plastic water hose sa liog sa punoan sa iba.
Wala pa matino ang rason sa pagkutlo sa kinabuhi sa maong batan-on apan matud sa mga Facebook posts sa mga kaila nga gibuwagan kini sa iyang hinigugma.
Apan depensa sa uyab nga dili siya ang hinungdan sa kamatayon ug angay nga siya ang pasanginlan kay nasakitan sab siya sa sayong kamatayon sa iyang hinigugma.
“Nang-blame dayon mo nako nga hasta gani ko nagkabuang og hunahuna kung nganong nabuhat to niya nga okay raman unta kaayo mi sa akong uyab nya ipanabi pajud ninyo nga akung gibuwagan maong naghikog!” matud sa post. -/GMR (BANAT NEWS)
- Latest