Job, business fairs sa Mayo 1

CEBU, Philippines – Alang sa unang kasaulogan sa Labor Day sa administrasyon ni Presidente Rodrigo Duterte, ang Department of Labor and Employment mopahigayon og mga job fairs ug business fairs sa tibuok nasud lakip na sa Cebu.

Si DOLE Secretary Silvestre Bello III nag-awhag sa mga job applicants nga mag-andam na sa ilang aplikasyon ug uban pang requirements sama sa birth certificate, 2x2 I.D., resume ug uban pa.

“We are having more than 50 job and business fairs as among the highlights of the Labor Day celebration,” matud ni Bello sa giluwatan nga press statement.

Ang job fairs ug business fairs ipahigayon karong Mayo 1 ug sa Central Visayas adto kini ipahigayon sa Cebu City Sports Center, Cebu Provincial Capitol ug sa SM City Cebu.

Matud ni Bello nga ang Labor Day Job and Business Fairs gikopya kini sa Trabaho, Negosyo, Kabuhayan nga gipasiugdahan sa DOLE ug Department of Trade and Industry nga nagtinguha nga makahatag og oportunidad sa panarbaho ug negosyo sa masa.

Ang 115th ka tuig nga selebrasyon Labor Day aduna kini tema nga “Matatag na Kabuhayan at Trabaho Tungo sa Progresibong Pagbabago.” -/GMR (BANAT NEWS)