Love Story

Dear Banat News,

Maayong adlaw sa tanang readers sa Banat News.  Tawga lang ko sa pangalan nga Kristine,  23 years old   ug nagtrabaho isip call center agent sa usa ka company nga nahimutang diha sa IT Park.  Magpasalamat ko daan, nga gihatagan ninyo og pagtagad akong  love story  sa una.

Usa ka tuig kapin na ko nga single pero ganahan lang ko mo-share sa story sa katapusan nako nga lovelife.

Katapusan nako nga na-uyab mao si   Christopher,  nga manager sa usa ka restaurant. Nagkaila mi niya kay barkada sila sa classmate nako pag-high school  ug nagkauban mi  sa mga laag.

Pag-una  grabe siya magpa-cute nako, ihatod ko permi niya sa balay inig-out nako sa school.  Sweet kaayo siya mo-text ug kanunay siya nga mangumusta nako. Mao seguro nga na-develop ko niya.   Nagka-uyab mi niadtong December 2013,  ug grabe kaayo ka smooth ang dagan sa among relasyon.

Sama sa ubang lalaki   nigawas gyud ang pagkabadlungon  ni Christopher, kanang molaag siya nga dili mananghid.

Wala man nako siya gituok  ug okay ra pud nako nga molaag siya uban sa iyang barkada basta mananghid lang gyud nako. Makalagot man gud kaayo   kay dili gyud siya mo-text, unya dedma ra pud sa akong mga tawag.

Unya inigkita namo og balik mura ra jud og wala dili maminaw sa akong mga  yawyaw.

Usahay kung magsabot mi nga magkita, i-cancel lang sa last minute kay naa daw siya importanteng mga lakaw.

Sa iyang ka-busy, permi siya nga wala’y gana nga mopakita nako. Gikapoy daw siya gikan sa iyang trabaho maong dili siya pasamok.

Dili nako happy sa among relasyon  maong ako siya nga giprangkahan nga wala na ko’y gana sa among relasyon.

Na-shock ko sa  iyang tubag kay okay ra diay niya nga magbuwag mi  kay hagbay ra pud daw siya gilaayan sa among relasyon.

Sakit kaayo  igo na lang ko sa paghilak. Wala gyud siya’y  kuwenta nga pagkalalaki. Nagkabuwag  mi niadtong  2015 sa December.

Pipila ka adlaw human sa among panagbuwag, nahibaw-an lang nako gikan sa akong barkada nga naa daw bag-ong uyab si  Christopher.  Naa sa akong huna-huna, naa na siya’y reserba,  feel nako dugay ra siya naghuwat og timing nga magkabikil mi  para makalingkawas na siya sa among relasyon kay naa na siya’y laing gikalingawan. Sakit kaayo ang iyang gibuhat, pero   nagtuo ko nga naa ray karma alang kaniya tungod sa kabaga sa iyang nawong. Mo-request lang ko sa chords and lyrics sa Unbreak My Heart by Toni Braxton.

Hi Kristine !Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

 Love Story C/o Banat News