Rider dedo sa counterflow
MANILA, Philippines - Namatay noon din ang isang 36-anyos na rider ng motorsiklo habang sugatan ang angkas nito na kanyang kapatid matapos masagi ng kasalubong na trailer truck nang ito ay mag-counterflow sa Road 10, Tondo, Maynila, kamakalawa ng gabi.
Ang nasawi ay kinilalang si Roel Gabotero, may asawa, habang ginagamot kapatid na si Ronaldo Gabotero, 32, binata, construction worker, kapwa residente ng Smokey Mountain, Tondo.
Tumakas naman ang driver ng trailer truck matapos na mahagip ang motor ng magkapatid.
Batay sa ulat, dakong alas-8:30 ng gabi ay minamaneho ni Roel ang motorsiklo angkas ang kapatid at binabaybay ang Road 10 at pagsapit sa kanto ng Jacinto St., Tondo ay nag-counterflow ito sa northbound lane ng Road 10 na siya namang pagdating ng trailer truck at nasagi sila at tumilapon habang hindi naman tumigil ang truck.
- Latest