Mister itinumba sa harap ng ‘lover’
TUGUEGARAO CITY, Cagayan , Philippines – Pinagbabaril ng riding-in-tandem assassins ang isang 43-anyos na mister sa harap ng kanyang umano’y “kalaguyo” sa Barangay Manano, Mallig, Isabela noong Biyernes ng gabi.?
Kinilala ni Sr. Insp. Rexson Casaway, hepe ng Mallig Police ang napatay na si Roel Mabuti, ng nasabing lugar. ?Lumalabas na kararating lamang sa kanilang bakuran ang biktima kasama ang kanyang “babae” nang ratratin sa kanyang likuran ng mga lalaking bumubuntot sa kanila.?
Bumulagta sa lupa si Mabuti habang natulala ang kalaguyo nito na natalsikan pa ng dugo sa mukha.?Tinitingnan ng mga imbestigador ang anggulong love triangle sa pamamaslang dahil tumutol si Mabuti na pumirma sa annulment case na isinampa ng kanyang misis na nasa Italya.?
Ayon kay Casaway, may iba ring kinakasamang lalaki ang misis ng biktima sa abroad kung saan nito binabalak pumirmi.
- Latest