Mag-asawa, nasita sa bala sa NAIA
MANILA, Philippines - Isang bala ng kalibre .22 ang nakita sa loob nang bitbit na bag ng mag-asawa patungong Estados Unidos nang idaan nila ito sa x-ray machine pagpasok sa main entrance ng departure lobby sa Ninoy Aquino International Airport (NAIA) terminal 2, kamakalawa ng gabi. Ayon sa ulat, nakita ng mga tauhan ng Office Transportation Security (OTS) ang nasabing bala. Kinilala ang mag-asawang pasahero na sina Cesar Caranto, at Marlyn Caranto, ng San Carlos Pangasinan.
Nagalit ang mga ito sa security officers na sumita sa dala nilang bala pero kalaunan inamin nila na inilagay ito sa kanilang bag ng kanilang kaibigan para maiwasan ang diumano’y masamang mangyayari dahil ang bala ay anting-anting at pangontra sa mga kapahamakan. Gayunman, pinayagan makasakay ng eroplano ang dalawa patungong USA pero ang bala ay ipinaiwan ng mga awtoridad sa NAIA.
- Latest