2 gun for hire, arestado
MANILA, Philippines - Timbog ng mga tauhan ng Quezon City police ang dalawang hinihinalang notoryus gun for hire, karnaper at magnanakaw kamakalawa ng gabi sa naturang lungsod.
Kinilala ni Quezon City Police District (QCPD) Director, Police Chief Superintendent Guillermo Lorenzo Eleazar ang mga nadakip na sina Jonathan Torno, alyas Khadafi, 33, at Anastacio Sta Cruz, 31 kapwa residente ng Sitio Bathala, Brgy. Bahay Toro, QC. Si Torno ay pinagkakatiwalaan umano ng isang alyas Madam, kila-lang drug pusher sa Brgy. Bahay Toro.
Ayon sa pulisya si Torno at Sta. Cruz ay miyembro ng notoryus carnap gang at gun for hire.
Sinabi ni Gen. Eleazar na nakatanggap sila ng impormasyon na ang grupo ni Torno ay may planong mangarnap ng motorsiklo noong gabi ng Pebrero 22, 2017 para gamitin nilang get-away vehicles sa kanilang pagnanakaw.
Nabatid pa sa ulat na dakong alas-4:30 ng hapon nagsagawa ng operasyon ang mga operatiba ng District Special Operations Unit (DSOU) Police Senior Inspector Paterno L. Domondon Jr., kasama ang kanilang impormante.
At nitong alas-11:00 ng gabi naispatan ng mga pulis ang grupo ni Torno habang sakay ng kanilang sariling motorsiklo sa San Jose St. at isa sa mga suspek ay may sukbit na baril sa kanyang bewang.
Kapwa nadakip ng mga operatiba ng District Special Operations Unit (DSOU) sa pamumuno ni Supt. Rogarth B. Campo, ang mga suspek at kasalukuyan ngayon nakapiit.
- Latest