Sinsilyo (80)
PERO nanatiling nagpakahinahon si Gaude kahit na nasaktan sa sinabi ni Lolo Dune na huwag daw kukupitan ang mga latang may barya. Hindi na niya pinansin. Parang wala siyang narinig. Kung siya ay basagulero, hihiyain niya ang matanda at sasabihan niyang “magnanakaw” ito. Sabi ni Lolo Kandoy, binawasan nito ng isang dakot na barya ang bawat lata. Pero hindi nga siya palaaway kaya pinalampas na lang niya ang lahat. Wala namang mawawala sa kanya kahit na magsa-lita pa ito nang masakit. Tiisin na lang niya.
Pero ayaw matapos ang tila pagsisintem-yento ni Kastilaloy dahil patuloy pa rin ito sa pagsasalita.
“Ikaw ayusin mo ang mga basyo ng lata dun sa labas ha? Basta mo na lang itinambak! Tonto!” sabi na ang mga mata ay tila nagniningas.
Tumango lang siya.
“Kapag kinalawang ang mga ‘yun, isusumbong kita kay Mau!”
Hindi pa rin niya pinansin.
Hanggang sa kusa itong umalis. Iniwan ang dalawang latang may barya.
Dinampot ni Gaude ang mga lata at dinala sa kanyang kuwarto.
Saka pa lang natahimik ang kanyang kalooban. Ikukuwento niya kay Lolo Kandoy ang mga sinabi ni Kastila-loy.
ISANG umaga, dumating si Tito Mau at may kasama. Isang babaing maganda at sexy. Sa hula ni Gaude ay mga 20 anyos ito. Naka-shorts ng maong at t-shirt ang pang-itaas. Makinis ang babae.
Ipinakilala sa kan-ya ni Mau.
“Gaude, si Lyka, siyota ko.’’
“Good morning po.”
(Itutuloy)
- Latest