Comelec-Talisay hunong una sa pagpangrehistro

CEBU, Philippines - Upat ka adlaw nga hunongon sa COMELEC Talisay ang ilang registration karong semanaha isip pag-obserbar sa Semana Santa.

Si Efren Arnejo Jr., ang COMELEC assistant officer nagkanayon nga sugod karong Huwebes Santo hangtud sa Domingo sa Pagkabanhaw, ilang sirhan ang ilang buhatan ug hunongon una ang pagdawat sa mga tawo nga gustong magparehistro.

Apan sa ilang pagbalik, si Arnejo nagkanayon nga doblehon ang ilang trabaho aron maatiman ang katawhan nga magparehistro. Diin ilang paspasan ang ilang trabaho kay hapit na ang deadline sa pagrehistro, karong Abril 29.

Asoy pa niya nga bisan pa og wala pay klaro kun madayon ba ang piniliay sa Barangay ug Sangguniang Kabataan karon Oktubre, ila gihapong sundon ang kamanduan.

Dugang niini nga ila na hinuong nasuroy ang tanang barangay sa Dakbayan sa Talisay pinaagi sa satellite registration lakip na ang mga eskwelahan. - /DILT) (BANAT NEWS)