QC shootout: 3 holdaper utas
MANILA, Philippines - Tatlong holdaper ang nasawi sa magkahiwalay na insidente nang manlaban sa mga otoridad kahapon ng madaling araw sa Quezon City.
Sa ulat kinilala ang dalawa sa napatay na suspek na sina Eduardo Gimenteza at Benedict Contreras.
Habang ang nadakip ay kinilalang sina Mark Lee Mahinay and James Medrano.
Naganap ang unang insidente dakong alas-12:23 ng madaling araw nang holdapin ng dalawang suspek ang isang gasoline station sa V. Luna Avenue corner Mapang-akit St., Brgy. Pinayahan.
Rumesponde ang mga pulis, subalit sa halip na sumuko ay nanlaban ang mga ito na kanilang ikinasawi.
Dakong ala-1:45 ng madaling araw nang mapatay ang isang holdaper at naaresto ang dalawang kasama nito nang lumaban ang isang pulis na off-duty na si PO2 Jolito Lantano ng PNP Police Security and Protection Group na sakay ng isang pampasaherong bus na biyaheng Valenzuela na kanilang hinoldap sa kahabaan ng Edsa/Kamias Flyover sa harap ng QCPD Station 10 Kamuning.-
- Latest