Angayang atngan sa tuig 2017
CEBU, Philippines - Nahimong kulbahinam ug mibilin og daghang pangutana ang nahitabo sa kalibotan sa paugnat sa kusog sa tuig 2016, apan gipaabot nga mas daghan pa ang mga dagkung panghitabo sa pagsulod sa Bag-ong Tuig 2017.
Nag-una sa lista sa mga Pinoy sport celebrity nga angay atngan sa mga fans mao ang boxing icon nga si Manny Pacquiao nga segurado na nga mopadayon pag-away karong tuiga.
Mismo si Top Rank Inc.CEO Bob Arum ang mikompirmar na nga duha ka sangka ang nagpaabot sa ‘Fighting Senator’ sa nasud diin ang unang away niini gikatakda sa buwan sa Hunyo.
Nagbutikaway ang mga boxing analysts ug fans kun si kinsa gyud ang sunod sangkaon ni Pacquiao gumikan kay paghuman sa iyang sangka ni Jessie Vargas, daghan mga pangan ang mitumaw nga posibling isunod sa reigning WBO welterweight champion.
Labing saba mao ang posibleng binakbakay sa eight-division world champion ug sa undefeated junior welterweight star nga si Terence Crawford. Sila si Pacquiao ug Crawford parehong mipalandong ubos sa promotional outfit nga Top Rank.
Sama ni Crawford, ang rising Ukrainian ring champion nga si Vasyl Lomachenko gidungog usab nga posibleng atubangon ni Pacquiao.
Taliwala sa daghang mga gipilian, usa ra gihapon ang mas mokawat sa interes sa mga fight fans ug kini mao ang “super rematch” tali ni Pacquiao ug sa mortal nga karibal niini nga si Floyd Mayweather Jr., kinsa miretiro na, apan gusto nga masakmit ang rekord nga 50-0.
- Latest
