MRT-3 passengers, umaalma sa araw-araw na aberya
MANILA, Philippines – Galit na ang libu-libung pasahero ng Metro Rail Transit (MRT-3) sa araw-araw na aberya dahil sa pagkaka-late nila sa pagpasok sa paaralan, trabaho at iba pang destinasyon.
Kahapon ng umaga ay muling tumirik ang biyahe ng MRT-3 sa Northbound line ng Buendia Station.
Sa abiso ng Department of Transportation (DOTr), dakong alas-8:20 ng umaga ay pinababa ang mga pasahero makaraang makaranas ng technical problem ang isang tren.
Pinasakay sa kasunod na tren ang mga naapektuhang pasahero habang hinatak naman pabalik ng MRT-3 depo ang tumirik na bagon.
Kamakalawa ng hapon ay nakaranas din ng technical problem ang isang tren ng MRT-3 sa bahagi ng Guadalupe station Southbound dahilan para pababain din ang mga sakay nitong pasahero.
Ang MRT-3 ang bumibiyahe ng kahabaan ng Edsa mula sa North Avenue, Quezon City patungo ng Taft Avenue, Pasay City at vice versa.
- Latest