Mag-asawa niratrat, dedo
NORTH COTABATO, Philippines – Napatay ang mag-asawang magkaangkas sa motorsiklo makaraang pagbabarilin ng riding-in-tandem assassins sa kahabaan ng highway sa Barangay Bannawag sa bayan ng Kabacan, North Cotabato kamakalawa ng gabi. Kinilala ni P/Senior Insp. Ronnie Cordero, hepe ng Kabacan PNP ang mag-asawa na sina Taute Sauton Mamalac, 48, magsasaka; at Dailanon Montawal Mamalac, 48, kapwa nakatira sa Purok Misalay, Barangay Pisan sa nasabing bayan. Sa inisyal na imbestigasyon ng pulisya, magkaangkas sa motorsiklo ang mag-asawa nang sundan at ratratin ng gunmen pagsapit sa bahagi ng nasabing barangay. Nawawala naman ang alahas at cash ng mag-asawa na posibleng tinangay ng gunmen. Narekober sa crime scene ang mga bala ng cal.45 pistol habang patuloy naman ang pagsisiyasat.
- Latest