Love story

Dear Banat News,

Hello sa tanang suki sa Banat News. Ako diay si Irish 34, ug taga Barangay Labangon, Cebu,City.  

Nag-work karon isip call center agent, ganahan rako sa dagan sa akong lovelife karon.Usa diay ko ka tomboy, ug dili ko kini ikauwaw. Aduna ko’y girlfriend, siya si Rina 35, nga taga Lahug, Cebu City.

 Niabot na karon og tulo ka tuig ang among relasyon, ug sama sa ubang manag-uyab, daghan na sad mi og naagian nga dili lalim apan wala gyud namo gi-give up ang among relasyon. Nagkaila mi ni Rina kay nagkauban mi  sa una sa rotary, ug nagka-bonding mi sa daghan na kaayo nga activities.

Permi na mi mag-uban sa pagpanuroy. Magdungan mi og pangaon hangtud nga ako gyud siya nga gipangutana kun open ba siya makauyab nga sama nako. Pag-una, nibalos lang siya og sweet kaayo nga smile. Sa pagsige nako og pangutana, niana dayon siya nako nga okay ra daw niya lay dili daw siya pilian, ug dili daw niya i-discriminate ang sama nako.

Niangkon ko niadtong higayona sa akong feelings kaniya, apan niana siya nga wala pa siya’y feelings nako, ug iya lang daw obserbahan ang uban pa nako nga batasan ug ang panahon lang daw ang agdon kun ma-develop ba siya kanako. Wala gyud ko mo-surrender, ako gyud gipakita nga sincere ko kaniya. Pag-abot og upat ka buwan nako nga diskarte kaniya, niangkon siya nga na-develop na daw siya kanako.

Grabe gyud ang akong kalipay niadtong higayona, kinsa gyud intawon ang magdahom nga akong mauyab si Rina.  Sa tinuod lang, daghan ang ma-intimidate kaniya, tungod seguro sa iyang linihokan nga may pagka-sosyal, pero if makaila gyud ka kaniya, boutan ra man diay.

Usa sa mga away nga dili namo malimtan, katong nagselos ko og maayo kay nakakita ko nga nagtagad sila sa iyang ex. Apan nag-sorry ko og maayo, kahibalo ko nga wala gyuy ayo ang magselos maong nagbasol ko sa akong gibuhat. Gipasaligan ko niya nga dili ko angay magselos kay loyal siya kanako.  Batasan lang ni Rina nga friendly busa normal lang nga motagad siya sa iyang ex.

Kahibalo ko nga duna’y uban nga dili pa makadawat sa among sitwasyon, apan tawo sad mi nga dunay katungod nga malipay ug dili basehan ang sexuality.

Nalipay ra pud ko kay nakadawat ra sa among relasyon ang tagsa-tagsa namo nga pamilya.

Request lang ko sa lyrics sa  Beautiful In My Eyes  by Joshua Kadison

Hi Irish! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News