Gadgets at appliances dagdagan ng buwis
MANILA, Philippines - Isinusulong ni PBA partylist Rep. Mark Aeron Sambar ang pagpataw ng karagdagang buwis sa mga electronics appliances at gadgets sa halip na puntiryahin ng buwis ang beauty products at services.
Anya, ang make up o serbisyong pampaganda ay mahalaga para sa maraming tao, subalit ang pagbili ng electronic gadgets o appliances ay kakayahang limitado lamang talaga sa mayayaman o may kaya sa buhay.
Paliwanag pa ng kongresista, na marami sa mga Pinoy ang dalawa ang cellphone habang mayroong lima ang telebisyon sa bahay.
Inihalimbawa ni Sambar na ang sarili na maraming laptop na nakatambak at nagsisilbi na lamang mamahaling paperweight sa kanyang bahay.
Kung kaya umanong bumili ng ganito kadaming electronics na gamit ay kayang kaya dapat na pumasan ng dagdag buwis.
- Latest