Junkshop sa Canduman nasunog

CEBU, Philippines - Milampos ang kabomberohan sa Dakbayan sa Mandaue sa pagpawong sa nagsugod na unta nga pagkaylap sa kalayo sa usa ka junkshop nga nahimutang sa dalan Borbajo sa Brgy. Canduman alas 2:25 sa hapon niadtong Biyernes.

Si FO3 Policarpio Espinosa Jr. sa Bureau of Fire Protection sa nahisgutang dakbayan niingon nga ang nasunog nga junkshop, gipanag-iya ni Elmer Borbajo.

Dugang pa niya nga nakaingon sa kalit nga pag-ulbo sa kayo sa maong junkshop mao ang pinisik gikan sa nag-welding. Matud niya nga dali nilang gitubag ang alarma ug ilang napugngan ang pagtapon sa kayo ngadto sa mga kasikbit nga mga establisamento hinungdan nga nagbilin lang og P20 mil nga danyos sa maong sunog. (BANAT NEWS)