Pang-Masa ( Leaderboard Top ), pagematch: 1, sectionmatch: 1

EDITORYAL - Thank you!

MARAMING salamat mga mahal naming mambabasa, 14 na taon po ang PM Pang-Masa. Kayo ang dahilan kaya kami narito at patuloy na naglilingkod.

Mahaba-haba na ring panahon ang ating pagsasama. Marami-rami na ring pagsubok at mga unos ang ating naranasan. Dumanas tayo ng malalakas na bagyo, baha, habagat, tagtuyo, kahirapan, kaguluhan at kung anu-ano pang mga balakid sa buhay. Pero sa kabila niyan, narito pa rin tayo at magkasama. Hindi ninyo kami iniwan. Lagi ninyo kaming inabangan at sinubaybayan. Patuloy ang walang sawa ninyong pagtangkilik. Hindi kayo nagbago sa nasimulan.

Lagi naming tinitingnan ang inyong pagmamahal. Kung wala kayo, wala rin kami rito sa kinaroroonan. Kayo ang naglagay sa amin sa mataas na posisyon. Kung hindi dahil sa inyong pagtangkilik, tiyak na wala kami rito.

Natatandaan namin nang ilunsad ang pahayagang ito noong 2003. Maraming tabloid din ang inilabas ng panahong iyon. Nakipagtagisan ng husay at galing. Pero makalipas lamang ang isang taon, ang mga kasabay na tabloid ay unti-unting nagsitiklop at parang bulang nawala.

Ang PM, nanatiling nakatayo, matibay, matatag at patuloy sa pagbibigay ng mga maiinit at makatotohanang balita, parehas na opi­nion at komentaryo, nakakaaliw na balitang showbiz, mga artikulong nakalilibang at kapana-panabik na pangyayari sa sports.

Kung ano ang aming nasimulan 14 na taon na ang nakararaan, iyon pa rin kami ngayon at lalo pang nag-uumigting ang pagnanais na mabigyan kayo ng kasiyahan. Lalo pa kaming inspirado na magdulot ng kasiyahan at kaaliwan sa inyo, mga mahal naming mambabasa. Walang hanggan din ang aming pasasa­lamat sa adveritisers na patuloy ding naniniwala at sumusuporta sa amin.

Pang-Masa ( Article MRec ), pagematch: 1, sectionmatch: 1

Thank you sa inyo.

Pang-Masa ( Article MRec ), pagematch: 1, sectionmatch: 1
  • Follow Us: