BVR, Aboitiz magtatayo ng sand court sa BGC
MANILA, Philippines - Isang beach volleyball court sa Bonifacio Global City ang sanib-puwersa inilunsad ng Beach Volleyball Republic at Aboitiz group kahapon sa Aboitiz Land’s Seafront Residences sa Taguig City.
Nais ng BVR at Aboitiz na ilapit sa puso ng mga manonood ang beach volleyball sa layuning paangatin pa ng husto ang kaalaman ng mga mamamayan sa naturang sport.
“It fits the Seafront Residences’ lifestyle and we wanted to start a long-term relationship with Beach Volleyball Republic,” ani John Amon na siyang Vice President at head of innovation ng Aboitiz group.
“The Aboitiz Group Headquarters is in BGC. We wanted to make a statement since it was our debut project in Luzon. We wanted to do something that no one had done before: Beach volleyball/beach party in the middle of BGC,” dagdag nito.
Ayon kay BVR founder Bea Tan, matagal na itong pangarap ng kanilang grupo na kinabibilangan nina dating Ateneo stars Charo Soriano, Dzi Gervacio, Fille Cainglet-Cayetano at Gretchen Ho kaya naman malaki ang pasasalamat ng BVR sa suportang natatanggap nito.
“It has been our ultimate dream to host an event in BGC and having it done so soon gives us more affirmation that we are doing the right thing for the love of beach volleyball,” ani Tan.
Nasilayan sa launch party ang exhibition games na nilahukan ng mga BVR founders kasama sina Melissa Gohing, Michele Gumabao, Mae Tajima, Amanda Villanueva, Amy Ahomiro, Ella de Jesus, at Kara Acevedo.
Ngunit hindi pa rito natatapos ang plano ng BVR at Aboitiz dahil nais ng dalawang grupo na dalhin ang beach volleyball sa iba pang bahagi ng bansa.
- Latest
