Sa mata ng bata
ANG great Danish sculptor na si Bertel Thorwaldsen ay nanghihingi ng opinyon ng mga bata upang masukat niya kung tama at maganda ang kanyang mga inukit na obra. Minsan ay kinomisyon siyang gumawa ng estatwa ni Jesus. Nang matapos ay tinawag niya ang isang bata at tinanong kung sino sa palagay niya ang estatwa.
“Isang bayani” sagot ng bata.
Gumawa ulit ng panibago ang iskultor dahil hindi nahulaan ng bata kung sino ang estatwa. Ibig sabihin, malayo kay Jesus ang hitsura ng kanyang inukit. Natapos ang estatwa at tinawag muli ng iskultor ang bata at muling tinanong kung sino sa palagay niya ang estatwa.
Ngumiti ang bata sabay sabing: “Siya si Jesus!”
Sabi nga ng marami, magaling kumilatis ang mga bata at hindi sila marunong magsinungaling. Para bang pinagkalooban sila ng special radar upang maramdaman kung anong uri ng tao ang kaharap niya.
- Latest