Billy at Coleen hirap sa pagba-budget sa kasal at pagbabayad ng bahay!

Bago magtapos ang 2017 ay nakabili na ng sariling bahay sina Coleen Garcia at Billy Crawford. Nakatakdang magpakasal ngayong taon ang magkasintahan kaya medyo nahihirapan pagdating sa mga gastusin sa preparasyon nito.

“People were telling us not to do that at the same time, not to buy a house and pay for wedding at the same time. But I’m actually really glad that we got the house at the same time as the wedding. It’s very hard, it’s very financially challenging, super. At the same time we give priority to the house rather spending on a day that is just going to last for one day,” nakangiting pahayag ni Coleen.

Ayon sa dalaga ay nagsimula silang maghanap ng mabibiling bahay ni Billy pagkatapos ng kanilang engagement. “So that was more than a year when we started. But we only bought the house a couple of months ago. It was definitely a journey of its looking for a house. We learned so much from each other and about ourselves while looking for the house. But finally we found one,” kuwento ni Coleen.

Noong una ay nagplano pa ang magkasintahan na bumili muna ng lupa at magpatayo ng bahay pero napagdesisyunan na bumili na lamang ng gawang bahay. “We really don’t have the time and the patience for that and we just want to move into a house together already. So what we did is we got a house and we changed everything about it that we didn’t like,” pagtatapos ng dalaga.

Sam editor na rin!

Bukod sa pagiging magaling na aktor at singer ay sinubukan na rin ni Sam Milby ngayon ang pagiging producer at video editor. Si Sam ang nag-edit ng music video ni Moira dela Torre sa kantang Malaya at Only Gonna Love You na kanta naman ni Kyla.

Ayon sa aktor ay medyo nahirapan siyang mag-edit upang mapaganda ang dalawang music videos. “This is a challenge for me. Moira’s music video was very narrative. It’s pretty simple in the way it’s edited but this is RnB and it was more of a challenge for me cause I’m not an editor. I’m kind of learning as I go. I’m watching videos, YouTube tutorials, doing it that way. But I enjoyed it. People know me as this techie guy,” pagbabahagi ni Sam.

Maging si John Prats na kaibigan ng aktor ay pinasok na rin ang pagiging direktor ngayon. Si John ang nag-direk ng mga nasabing music video at humanga raw ang aktor sa pagiging magaling na editor ni Sam. “’Yung music video ni Kyla parang four days naming in-edit. It took us four days na sinasabi ko kay Sam on the third day na, ‘Sam do you want to get an editor?’ ‘No, I wanna do this,’ Gusto ni Sam eh, natsa-challenge siya do’n sa fact na kaya niyang gawin. Sobrang proud ako. Ang galing, kahit ‘yung transitions, ‘yung effects niya, siya ‘yon. Gifted siya,” kuwento ni John.