Batukan ang economic tyranny—Dino

CEBU, Philippines - Andam sa pagtabang si Presidential Assistant for the Visayas Michael Lloyd Dino sa business community dinhi sa Sugbo batok sa mga public servants nga buot moguba sa business climate dinhi.

“To my fellow public servants who are out to destroy the business climate in Cebu, I am here to rally behind the business community and fight against economic tyranny,” matud pa ni Dino sa iyang mensahe atol sa General Membership Meeting sa Cebu Chamber of Commerce and Industry kagahapong adlawa.

Matud pa ni Dino, ang mga opisyal sa gobiyerno angay maglikay nga mura na hinuon sila og mokompetensiya sa mga negosyante ug kinahanglang motuman sila sa mga kontrata niini.

 “ Government officials should honor contracts its office or instrumentality entered into. Government officials should avoid hanging ‘sword of Damocles’ over the head of businessmen, and let it fall if these businessmen won’t give in to their whims and caprices. Government officials should not hold hostage clearances and permits of businesses,” matud pa ni Dino.

Si Dino miingon nga giprotektahan sa mga negosyante ang ilang pangalan ug goodwill samtang ang usa ka opisina sa gobiyerno dapat dili gamiton aron sa pagguba sa maong pangalan kay kini maoy rason nganong mamahawa ang mga investors.

Nagpasalamat usab si Dino sa mga miyembro sa CCCI sa pagtabang sa pagpalambo sa ekonomiya sa Sugbo. (BANAT NEWS)