Krusyal na panalo asam ni So

MANILA, Philippines — Puntirya ni reigning champion Grandmaster (GM) Wesley So na makuha ang importanteng panalo sa ninth round sa pagpapatuloy ng 2018 Tata Steel chess tournament na lumipat naman sa Groningen, Netherlands.

Makakasagupa ng 24-anyos gold medalist sa 2013 World Universiade si GM Peter Svidler ng Russia.

Kasalukuyang magkasalo sa ikaapat na puwesto sina So at dating world champion GM Vladimir Kramnik ng Russia hawak ang parehong limang puntos.

Nangunguna sina GM Anish Giri ng Netherlands, GM Shakhriyar Mamedyarov ng Azerbaijan at three-time Tata Steel titlist GM Magnus Carlsen ng Norway na may magkakatulad na 5.5 puntos.

Pasok naman sa No. 6 sina GM Viswanathan Anand ng India at GM Sergey Karjakin ng Russia (4.5) kasunod sa ikawalo sina Svidler at GM Maxim Matlakov ng Russia (4.0), GM Gawain Jones ng Russia (3.5), GM Wei Yi ng China (3.0), GM Fabiano Caruana ng Amerika (3.0), GM Baskaran Adhiban ng India (2.0) at GM Hou Yifan ng China (1.0).

Nakatakda rin ang bakbakan sa ninth round nina Jones at Hou, Anand at Carlsen, Mamedyarov at Kramnik, Matlakob at Giri, Karjakin at Wei at sina Caruana at Adhiban sa torneong may nakalaang tumataginting na €10,000 para sa magkakampeon at €6,500.