Garcia hihirit ng tiket sa main draw
MANILA, Philippines — Puntirya ni 2017 World 9-Ball Championship runner-up Roland Garcia na makahirit ng tiket sa main event sa pagsabak nito sa qualifying round ng 2018 World Chinese 8-Ball Masters na ginaganap sa Olympic Stadium sa Qinhuangdao City, China.
Pasok si Garcia sa Group 6 kasama sina Jorge Castillo, Klenti Kaci, Dennemont Gaelle, John Roe, Daniel Bleakley, Stephanie Ochoiski at Peter Kinyua.
Unang makakalaban ni Garcia si Castillo habang magtutuos sina Kaci at Gaelle, Roe at Bleakley, Ochoiski at Kinyua sa qualifying meet na may nakalaan na lamang na walong slots sa main draw.
Nasa Group 1 sina Zak Shepherd, Rumjaun Zayd, Pat Holtz, Katerina Spryrou, Jenner Garcia, Krtistian Phillips, Dorjsuren Batbayar at Denis Grabe habang Group 2 sina Jason Theron, Sun Dong Ming, Fakhie Gierdien, Radony Ana Rakotoarsoa, Roger Perez, Manuel Lorente at Kevin Soh.
Group 3 sina Gregory Mitchell, Wisdom Ndige Alexander Lely, Carlos Garcia, Jorge Llanos, Ryan Fleming, Anastasia Luppova at Faraj Achraf; Group 4 sina Thomas Heal, Yana Shut, Vincent Halliday, Eric Bayhon, Chang Keng Kweng at Andreja Klasovic at Group 5 sina Jack Whelan, Nicolas Domingues, Jin Zhongzhe, Justin Campbell, David Kriel, Marc Busterbosch at Delgerkhuu Ankhtuya.
Ang iba pang manlalaro sa qualifying ay sina Jean Munyarukiko, Jorge Zaragoza, Mori Manabu, Frederick Gloux, Hoarau Jean Francois at Charlene Chai sa Group 7 at sina Ramon Vilchez Fernandez, Clint Ianson, Capron Daniel, Desmond Goh Chin Teck, Jeffrey Crawford, Ben Rowland at Abbezzot Florent sa Group 8.
Nauna nang nakahirit ng tiket sa main draw sina reigning World 9-Ball Championship winner Carlo Biado at 2004 World 9-Ball Championship titlist Alex Pagulayan kasama ang iba pang seeded players sa event.
Subalit posibleng hindi dumating si Pagulayan dahil may personal itong inaasikaso sa Canada, ayon sa sources.
- Latest
