Alab Pilipinas aasinta ng panalo vs Formosa
Laro Ngayon (Changhua Stadium, Changhua City, Taiwan)
3 p.m. Alab Pilipinas vs Formosa
MANILA, Philippines — Patuloy pa rin ang paghahanap ng Alab Pilipinas sa unang panalo at tiwala si coach Jimmy Alapag na makakamit nila ito ngayon sa kanilang pagtatagpo ng baguhang Formosa Dreamers sa pagpapatuloy ng 2017 ASEAN Basketball League sa Changhua Stadium sa Changhua City, Taiwan.
Dahil maglalaro ang dalawang tropa sa homecourt ng Dreamers, paborito ang Formosa laban sa Alab Pilipinas sa kanilang pagkikita sa alas-3 ng hapon.
Makaraang mabigo sa unang tatlong laro, nangungulelat ang koponan ni Alapag sa 0-3 win-loss kartada habang ang Formosa Dreamers ay umangat sa 1-2 card matapos manalo sa Saigon Heat, 80-75 noong Disyembre 9.
Nakamit ng Nationals ang ikatlong sunod na kabiguan sa Hong Kong Eastern, 96-99 noong Miyerkules sa Southorn Stadium sa Wan Chai, Hong Kong kaya’t asahan na maglalabas si Alapag ng malalim na game plan para makabawi.
Tiyak pangungunahan ng imports na sina Reggie Okosa at Ivan Johnson ang Alab kasama sina Bobby Ray Parks Jr, Dondon Hontiveros, Rico Mauierhofer, John Urbiztondo, Lawrence Domingo at Rob Celis ang kampanya ng Alab Pilipinas sa inaasam na unang panalo.
- Latest
