UNESCO Youth Funshop sinimulan na

MANILA, Philippines — Inumpisahan na kahapon ang pagdaraos sa tatlong araw na “Sports and the SGDs Youth Funshop sa Philsports Multi-Purpose Arena sa Pasig City.

Ang nasabing progra­ma para sa mga kabataan ay nangyari sa ugnayan ng Philippine Sports Commission sa pamamagitan ng Philippine Sports I­ns­titute sa United Nations Educational, Scientific and Cultural Organization.

Mahigit 29 delegado mula sa Southeast Asia ang dumalo sa workshop na nakatuon sa pagpa­lakas ng sports policies at stratehiya ng mga bansa sa Southeast Asia na nagpadala ng mahigit 29 de­legado.

Ayon kay PSI executive-director Mark Velasco, ang naturang pagtitipon ay pagtitibay sa ‘The Kazan Action Plan’ na napagkasunduan sa ginanap na UNESCO’s Sixth International Conference of Ministers and Senior Officials Responsible for Physical Education and Sport (MINEPS VI) sa Russia noong Hulyo.

“Ang hanap natin dito ay role models kaya rito sa sports mahahanap natin ‘yan,” sabi ni Velasco.

Ayon kay Irakli Khodeli ng Social and Sciences Unit sa UNESCO-Jakarta, ang programa ay magbigay ng positibong epekto sa mga kabataan lalo na sa Pilipinas kung saan nagkakaroon ng problema sa extremism.

“We are facing tremendous challenge in terms of climate change ang peace. Sports is about excellence, it’s about doing something and finding solutions,” sabi ni Khodeli na tubong Georgia.

“We are using sports to engage with the youth because this program is community-based,” dagdag ni Khodeli.