Malaysia handa na sa SEAG hosting
MANILA, Philippines - Handang-handa na ang Malaysia para sa 2017 Southeast Asian Games na idaraos sa Agosto 19 hanggang 30 sa iba’t ibang panig ng Kuala Lumpur kabilang na ang pamosong world-class Kuala Lumpur Sports City na nasa loob ng Bukit Jalil Sports Complex.
Ayon sa Malaysian Resources Corporation Berhad (MRCB) na siyang nagsaayos ng KL Sports City, maaari nang gamitin ang mga venues gaya ng Bukit Jalil National Stadium na may seating capacity na 87,000.
Ang Bukit Jalil National Stadium ang pinakamalaking stadium sa Southeast Asian. Dito gaganapin ang opening at closing ceremonies gayundin ang athletics at football events.
Handa na rin ang Axiata Arena para sa badminton, ang National Aquatic Center para naman sa swimming, water polo, diving at synchronized swimming at ang National Hockey Stadium para sa field hockey.
“Built almost 20 years ago, the rejuvenated facilities at KL Sports City have been elevated to world-class standards for sporting venues. Given that the facilities are now compliant with the latest international standards (IAAF, FIFA, FIH and FINA), Malaysia is now ready to play host to the next era of world-class sports competition as well as be a showcase for national and international non-sporting events,” wika ni MRCB General Manager at KL Sports City Project Director Satgunalingam Nalgunalingam.
May mga events rin na lalaruin sa labas ng Kuala Lumpur gaya ng Selangor (ibang football events, cricket, equestrian, golf, rugby, shooting, bowling at futsal), Putrajaya (triathlon, water skiing, open water swimming at polo), Negeri Sembilan (cycling) at Kedah (sailing).
Mahigit 10,000 atleta, opisyales at mga delegado ang inaasahang daragsa sa Malaysia para magpartisipa sa 39 sports disciplines.
Tumataginting na 405 gintong medalya ang paglalabanan sa aquatics (diving, swimming, synchronized swimming at water polo), archery, athletics, badminton, basketball, billiards and snooker, bowling, boxing, cricket, cycling, equestrian, football, futsal, golf, gymnastics, hockey, ice skating, judo, karate, lawn bowls, muay, netball, pencak silat, petanque, rugby, sailing, sepak takraw, shooting, squash, table tennis, taekwondo, tennis, triathlon, volleyball, waterskiing, weightlifting at wushu.
Tumapos ang bansa ng ika-6 na puwesto sa nakaraang 2015 Singapore SEA Games.
- Latest