Sunod na laban ni Pacman planong idaos sa Manila
MANILA, Philippines - Ilang casino sa Maynila ang nakahandang maging financial backers para maitakda ang susunod na laban ni Filipino world eight-division champion Manny Pacquiao sa Pilipinas bago matapos ang taon.
Ito ang inamin mismo ni Pacquiao, huling napanood ng mga Pinoy fans noong 2006 sa Smart Araneta Coliseum.
“We're discussing fighting in my country,” sabi ng 38-anyos na si Pacquiao, nakatakdang idepensa ang suot na World Boxing Organization welterweight crown laban kay Jeff Horn sa Brisbane, Australia sa Linggo.
Tinalo ni Pacquiao si Mexican Oscar Larios via unanimous decision para maidepensa ang kanyang dating hawak na World Boxing Council super featherweight title noong Hulyo ng 2006 sa Big Dome.
Sa panayam ng ESPN ay sinabi ni Bob Arum ng Top Rank Promotions na may plano siyang gawin ang laban ni Pacquiao sa bansa.
“I've been talking to people in the Philippines and they want Manny to fight in Manila,” ani Arum sa pakikipag-usap niya sa ESPN.
Ito ang unang pagkaka- taon na lalaban si Pacquiao sa Australia matapos mapanood sa United States at Macau, China.
Ngunit wala sa listahan ni Arum para labanan ni Pacquiao ang mga bigating sina Danny Garcia, Keith Thurman at Shawn Porter. Mas gusto ni Arum na isagupa si Pacquiao kay Russian fighter Konstantin Ponomarev.
- Latest
