National Poomsae Championships kasado na
MANILA, Philippines - Humigit-kumulang sa 1,500 atleta mula sa iba't ibang taekwondo chapters sa buong bansa ang inaasahang sasabak sa 2017 PLDT Home Ultera/MVP Sports Foundation National Poomsae Championships na nakatakda sa Linggo sa Makati Coliseum.
Ipapakita ng mga poomsae (forms) participants ang kanilang husay sa attack at defense techniques laban sa mga imaginary opponents.
Ang poomsae ay isang paraan ng pag-intindi at pagsasanay ng breath control, balance, coordination at concentration.
Lalahok ang mga jins mula sa ARMM, CAR, CARAGA at NCR at mga chapters na Central Gymnasium, Powerflex, Ateneo, San Sebastian College, University of the Philippines, San Beda College, De La Salle Zobel, De La Salle University, Team Baguio, Pangasinan, Cebu, Bulacan, Nueva Ecija, PNP at AFP sa apat na events --individual colored belts at blackbelt, freestyle at synchronized poomsae.
Ang torneo ay itinataguyod ng Smart Communications Inc., MILO, Philippine Sports Commission, Philippine Olympic Committee at Meralco Foundation.
- Latest