Harikiri sa Japan

May ritwal sa Japan ang mga samurai kung saan mas pinipili nilang kunin ang sarili nilang buhay kaysa maparusahan dahil sa ginawa nilang kasalanan. Tinatawag na Seppuku o Harikiri, ang ritwal na ito ay ginagawa sa pamamagitan ng pagsaksak ng maiksi pero matalim na blade sa tiyan na tinatawag na “tanto”.

Ang ritwal na isang honor code para sa mga samurai, ay boluntaryong ginagawa ng warriors. Mas pipiliin nilang mamatay with honor by harikira o seppuku kaysa humarap sa isang capital punishment at torture.

Nagsisimula ang ritwal sa pagsusulat ng isang suicide note at saka isasaksak ng warrior ang tanto sa kanilang tiyan. Pagkasaksak ay pipilitin pa nitong hiwain ang kanyang tiyan sa paggalaw pakaliwa at pakanan ng nasabing matalim na blade.

Sa mga napapanood natin sa sine, ginagawa rin ito ng mga samurai na matatalo na sa digmaan. Sinasabing mas pipiliin pa nilang mamatay sa sariling kamay kaysa mapatay ng mga kalaban.