Sportswriters team bumandera
MANILA, Philippines - Kumayod ng magkasunod na panalo ang Sportswriters at Bangko Sentral ng Pilipinas sa 2016 Friendship Cup-Para Kay Mike Basketball for a Cause Tournament sa Rizal Memorial Coliseum.
Unang binigo ng mga Sportswriters ang Poker King Club, 88-79, bago nailusot ang 88-80 panalo sa PAGCOR para sa 3-1 panalo-talong karta para solong hawakan ang liderato ng torneo na hangad makapagkalap ng pondo para sa manunulat na si Mike Lee.
Binigo naman ng Bangko Sentral ang Philippine Sports Commission, 94-52, at pinigilan ang Full Blast Digicomms, 93-89, para sa kanilang 2-2 baraha na nagpasikip sa labanan para sa Final Four.
Nahulog ang Poker King Club at Full Blast Digicomms sa 3-2 karta kasunod ang Bangko Sentral at PAGCOR na kapwa may 2-2 karta.
Ikaanim ang PSC na may 2-3 karta kasunod ang Sports TV5 na may 1-2 rekord at ang Sports Photogs (0-1).
Ang torneo ay idinadaos para makatulong kay Lee na nagkaroon ng stroke habang nasa coverage ng isang multi-sports event sa Antique noong Nobyembre 10 at patuloy na nangangailangan ng panggastos para sa kanyang CT scan at medical test para sa kanyang rehabilitasyon.
- Latest
