Stravinsky itinakbo ang panalo sa PCSO Special Maiden Race
MANILA, Philippines - Inungusan ng third favorite na Stravinsky ang apat pang 2-year-old juveniles para pagharian ang PCSO Special Maiden race kamakailan sa Sta. Ana Park sa Naic, Cavite.
Sinakyan ng beteranong si Jonathan Hernandez, nilampasan ng Stravinsky ang kanyang mga karibal sa huling 150 metro ng nasabing 1,200-meter event para angkinin ang premyong P600,000.
Nagtala ang chestnut bay colt, anak ng Dream Romance at Ultimate Goal, ng bilis na isang minuto at 15 segundo at may quarter times na 24, 23 at 27 para sa kanyang pitong dipang agwat sa Street Sign (Apoy Asuncion) at 10 dipa sa Kid Solis (C. Henson)
“It’s (the victory) was the product of good teamwork among the people in my stable,” sabi ni lawyer-businessman Narciso O. Morales, mayroon ngayong tatlong PCSO Maiden race winners simula noong 2015.
Sa huling racing season ay nanaig ang Spectrum at Hot Dog na nagbigay ng tagumpay kay Morales at hiranging runaway overall winner sa hanay ng mga horseowners sa paramihan ng panalo at palakihan ng premyo.
Sinanay ni Atoy Sordan at pinalahian ni Tony Tan, Jr., inungusan ng Stravinsky ang Foolish Princess, Street Sign, Kid Solis at second pick Magic Wallet.
Pumang-apat ang Foolish Princess (Jeff Zarate) kasunod ang Magic Wallet (Mark Pilapil).
Samantala, sa report ng Philracom ay nakapagtala na si Morales ng 110 wins,136 runnerup, 122 third at 122 fourth-place finishes sa pagtatapos ng buwan ng Hunyo kasunod ang SC Stockfarm (41-26-14-15) at Stony Road Horse farm (29-29-25-17).
Sa hanay ng mga jockeys ay napanatili ni Jesse Guce ang pamumuno sa kanyang 101 wins kasunod ang 82 si Hernandez at 59 si Mark Alvarez, habang ang Low Profile ang bumabandera sa mga kabayo sa nakuhang P4,271,717 premyo mula sa limang panalo na tinampukan ng tagumpay sa PCSO Silver Cup noong Hunyo.
- Latest
