Marquez kay Pacquiao: Tanging paraan para manalo, pabagsakin si M’weather
MANILA, Philippines - Ang tanging paraan lamang para matalo ni Manny Pacquiao si Floyd Mayweather ay kung mapapabagsak niya ito.
Ito ang deklarasyon ng karibal ni Pacquiao na si Juan Manuel Marquez na nag-alok ng tip sa Filipino icon na magtatangkang magawa ang hindi naisakatuparan ng 47 kalaban ni Mayweather.
“Mayweather has the defensive resources, technique, speed, and counter-attacks to do a lot of damage to Pacquiao, and I think he will impose (those traits),” sabi ng Mexican legend.
Kilala ni Marquez si Pacquiao mula ulo hanggang paa matapos labanan ang fighting congressman ng apat na beses tampok sa kanyang knockout victory noong 2012.
Bago ito ay nagtabla sina Pacquiao at Marquez noong 2004 kasunod ang dalawang sunod na kabiguan ng Mexican sa kanilang rematches. Natalo naman si Marquez kay Mayweather noong 2009 via unanimous decision.
Tatangkain ngayon ni Pacquiao na gawin ang hindi nagawa ni Marquez na talunin si Mayweather.
At magagawa lamang ito ni Pacquiao via a knockout.
“I know how judges perform in Las Vegas, as we saw that fight where Jose Luis Castillo beat (Mayweather). However, (the judges) gave it to Mayweather and Pacquiao has no alternative but to knock Mayweather out to end his undefeated record,” wika pa ni Marquez.
- Latest
