SoE Plus Health website sa Quezon City
MAGANDA ang sinimulang Health Website sa Quezon City na naglalayong palawakin ang serbisyong pangkalusugan sa lungsod. Ang nakatutuwa rito, ito ay sa pakikipagtulungan ng isang pribadong kompanyang gumagawa ng gamot – ang Unilab, Inc.
Bumabati po tayo kina QC Mayor Herbert Bautista, Vice Mayor Joy Belmonte at sa lahat ng bumubuo ng konseho ng lungsod.
Ano ba ang website na ito? Ito ay naglalayong magbigay, sa pamamagitan ng internet ng mga importanteng impormasyon sa neonatal at maternal care sa mga mamamayan ng lungsod.
Ayon sa kaibigan nating si Claire Papa, External Affairs Head ng Unilab, patuloy silang tutulong sa mga local government units upang mapagbuti ang ganitong uri ng serbisyo sa mga komunidad na lubhang kailangan lalu na sa mga dahop na lugar.
Kung ang bawat korporasyong pribado ay makikipagtulungan sa gobyerno sa iba’t ibang mga proyekto, magiging mas mabilis ang kaunlaran ng ating bansa.
Ang programa ay nailunsad sa 5th Maternal and Neonatal Health Summit at tinawag ng SOE o Seal of Excellence Plus. Ang mga lying-in clinics sa QC na ginawaran ng seal of excellence ay makakapagsumite sa pamamagitan ng internet ng kanilang postpartum o pagiging sumpungin ng isang nagbubuntis, at newborn profiles gamit ang mga database ng pamahalaang local.
Ang SafeBirth Lying-in Clinic, isang social enterprise ay isa sa mga ginawaran ng Seal of Excellence Award at kabilang sa mga pilot sites ng SOE Plus. Ito ay nagbibigay ng abot-kayang halagang maternal at newborn services sa mga mararalita nating kababayan. Wala ring problema kung walang pera dahil accredited ito ng PhilHealth.
Total and complete care ito mula sa panahon ng pagbubuntis hanggang makapanganak ang isang ina.
- Latest
