‘No break policy’, ipapatupad ng NCRPO

Ngayong holiday season

MANILA, Philippines — Magpapatupad ng ‘no break policy ‘ ang National Capital Region Police Office (NCRPO) sa lahat ng kapulisan na nakatalaga sa buong Metro Manila ngayong buwan ng Kapaskuhan. 

Ang direktibang ito ay iniatas ni NCRPO Director Oscar Alba­yalde sa limang police district directors, na bukod sa ‘no break policy’, ay pinaaalerto din nito ang buong pwersa ngayong holiday seasons.

Ipinag-utos din ni Albayalde na magdagdag ng pwersa ng kapulisan sa mga simbahan para magsagawa ng mahigpit na pagbabantay at proteksiyunan ang seguridad ng mga church goers na dumadalo sa Simbang Gabi.

Ang naging hakbangin ni Albayalde ay bunsod ng pakikiisa ng pambansang pulisya sa Advent Season at panahon ng Kapaskuhan.