Pagdagsa ng mga pasahero, pinaghahandaan ng BoC
X-Ray machines sa arrival area , itatalaga
MANILA, Philippines — Balak ng Bureau of Customs na maglagay ng x-ray machines sa arrival area ng tatlong international terminals sa Ninoy Aquino International Airport (NAIA) sa lalong madaling panahon para paghandaan ang dagsang pagdating ng mga pasahero ngayong nalalapit na kapaskuhan.
Ayon sa ulat, nasa final review na ang mga BoC - NAIA officials kung saan lugar sa customs arrival area ilalagay ang makina.
Sinasabing pagkatapos bigyan ng arrival clearance ng immigration ang mga pasahero ay saka nila padadaanin sa x-ray machine ang hand carried baggages nito bago sila pumunta sa baggage conveyor para kunin ang mga check-in luggages nila.
Ayon sa mga beteranong customs officials binibitbit na lamang ng mga smugglers ang kanilang hand carried luggages kung saan dito nila inihahalo ang kanilang mga kontrabando na ipupuslit palabas ng paliparan.
Ayon sa Customs, balak nilang maglagay nang limang x-ray machine sa NAIA terminal 1 arrival area, 3, dalawa sa NAIA terminal 2.
- Latest