Bebot at abogado tiklo sa pekeng gold bar
MANILA, Philippines — Laglag sa entrapment operation ng Manila Police District ang isang abogado at isang babae na nagbenta umano ng pekeng gold bar na nagkakahalaga ng mahigit P4 milyon sa isang Japanese national kamakalawa ng gabi.
Ipinagharap ng rekla-mong Estafa sa Manila Pro-secutors Office ang dalawang suspek na kinilalang sina Arlene Ohgiku Y Perez, alyas “Arlene Perez,” 39 anyos, at residente ng no. 395, G. Bautista St., San Jose, Rodriguez, Rizal at John Alicda Kollin, 52 anyos, abogado at residente ng Baguio City.
Tinutugis pa ang isa pang suspek na kinilalang si Rolly Sanchez.
Sa ulat ng MPD-General Assignment and Investigation Section (GAIS), dumulog ang biktimang si Jun Shirakawa, 26, Japanese national, kasama ang kaibigang si Akoshi Tsutoni at Pinoy na si Ernesto Gea para sa reklamo laban sa mga suspek na nagbenta umano ng pekeng gold bar na may paunang bayad na P3.1 milyon at may balanse na halos P1-milyon noong nakalipas na Agosto.
Umuwi na umano sa Japan ang biktimang si Shirakawa at doon niya na natuklasan na peke ang gold bar na nabili sa mga suspek kaya bumalik sa Pilipinas nitong Oktubre 11 upang ireklamo ang mga suspek.
Lingid sa kalaaman ng mga suspek, nakipag-ugna-yan na sa mga awtoridad ang biktima nang makumbinsi silang makipagkita dito sa New World Hotel sa Pedro Gil, Ermita, Maynila alas 9:00 ng gabi kamakalawa sa pag-aakalang ibibigay na ang balanse sa pekeng gold bar.
Nang iabot na ang P10,000 marked money sa dalawang suspek ay doon na sila inaresto ng mga tauhan ng MPD-GAIS.
- Latest