16 na miyembro ng Aegis Juris, pinasusuko ng UST Dean
MANILA, Philippines — Pinayuhan ni University of Santo Tomas (UST) Civil Law Dean Nilo Divina ang 16 na miyembro ng Aegis Juris Fraternity na suspek sa pagka-matay ni Horacio Tomas Castillo III, na sumuko na lamang at harapin ang pangyayari.
Sa pahayag ni Divina, mas makabubuting harapin ng mga ito ang insidente sa halip na magtago dahil ito ang nararapat.
Mali aniya ang panana-himik lalo pa’t hindi maibi-bigay sa biktima ang nararapat na hustisya.
Wala umanong dapat na ikahiya kung aaminin ng mga ito ang kanilang pagkakamali dahil ito lamang ang magbibigay sa kanila ng peace of mind.
Maaari namang sagutin ng mga ito ang akusasyon sa tamang lugar.
“Hiding the truth will ne-ver give you peace. Truth will set you free”, dagdag pa ni Divina.
Nangako din si Divina sa magulang ni Atio(palayaw ng biktima) na titiyakin niya na mapaparusahan ang sinumang responsable sa pagkamatay ng kanilang anak .
Sinabi pa ni Divina na nagtungo siya sa burol ni Atio upang patunayan na hindi niya pinagtatakpan ang ginawa ng nasabing fraternity.
- Latest
