Buntis isinilid sa garbage bag, itinapon

MANILA, Philippines -  Isang naagnas na bangkay ng isang buntis na nakasilid sa garbage bag ang natagpuan sa kalsada­ ng mga Barangay Security Force (BSP) sa Pasig City, kamakalawa ng  umaga.

Inilarawan ang biktima na nasa pagitan ng edad 20-25, 5 talampakan ang taas, nakasuot ng itim na bra at kulay pulang short.

Ayon kay BSP Arturo Santos, dakong alas-7:00 ng umaga nang makita niya ang itim na garbage bag sa kariton sa gilid ng Flores St., Brgy. Buting ng lungsod.

Nagtawag ng iba pang barangay official at pulis si Santos saka binuksan ang garbage bag at doon tumambad ang naagnas na bangkay ng biktima na nakabalot ng masking tape.

Sa isinagawang ‘post morten investigation’ ng mga tauhan ng Scene of the Crime Operatives (SOCO) nabatid na buntis ito at nakuha ang isang fetus sa ilalim ng kanyang suot na shortpants.