Kare-kare ng Rambulls Bakahan sa Tanay Panalo!

Burp Review

Isang kainan sa bandang Silangan ng Metro Manila ang mapapa-wow ka sa mura at sarap at dami ng serving!

Oh, ang daming “at” nun ha? Hahaha. Ito ang Rambulls Bakahan sa Tanay.

Isang oras na biyahe pa mula sa bayan ng Antipolo ay makakakain ka na ng masarap at murang lutuin.

Rerebyuhin natin ang kanilang kare-kare na isa sa mga paboritong ulam ng mga Pinoy, mapa-bagoong alamang o patis ang pampalasa ay siguradong solve ka.

Sa halagang P200, solve ka na sa isang bowl ng kare-kare. At take note, for sharing ito dahil siguradong bundat na bundat ka ‘pag inubos mo itong mag-isa. Malasa at matamis-tamis ang peanut sauce. Ang alamang na kasama ay matamis-tamis na maalat kaya magandang pares sa kare-kare. Sobrang lambot din ng karne ng baka at ang mga tuwalya. Sobrang dami rin ng gulay at hindi overcooked, may kagat pa rin.

Kaya ‘pag nabisita kayo sa Tanay subukan n’yong kumain dito lalo na ang bulalo nila na sobrang malasa rin. Burp!

Lasa: 5/5; Presentasyon: 3/5; Presyo: 5/5

Para sa mga suhestiyon tungkol sa pagkain, o kung mayroon kayong recipe na gustong ibahagi, maaaring mag-email sa [email protected]