Maymay napaamin kay Edward!

Grabe ang impact ni Maymay Entrata hindi lang sa kanyang fans at supporters kundi maging sa kanyang haters at bashers matapos niyang sumalang sa lie detector test sa Pinoy Big Brother ng ABS-CBN.

Hindi agad nakasagot si Maymay sa tanong ni Toni Gonzaga kung may nararamdaman ba ito kay Edward Barber na higit pa sa pagiging kaibigan.

Hindi naniwala ang dating mga housemate na nagsilbing judges sa lie detector na kaibigan lang ang tingin nito kay Edward.

Marami ang natuwa nang lumabas ang “Lie” matapos sabihin ni Maymay na hindi niya crush si Edward.

Ang ibig sabihin, type talaga ni Maymay si Edward na siyang lalong kinakiligan ng fans. Pag-amin ni Maymay, hindi naman daw siya kailanman magugustuhan ni Edward na agad na tinama ni Toni at sinabing lahat ay pwedeng mangyari kaya hindi ito dapat panghinaan ng loob.

Ayaw din paawat ng bashers ni Maymay na mas boto na ka-loveteam ni Edward si Heaven Peralejo. Sinasabi rin ng ibang netizens na ginagamit lang ni Edward si Maymay para sumikat dahil malakas ang hatak ng bagong comedienne ng Bahay ni Kuya.

Samantala, lahat ay saludo kay Maymay na kahit iniwan sila ng kanyang tatay, bukas pa rin siya sa posibilidad ng pagkikita nila ng ama balang araw.