Catenary wire ng LRT-1 nasira, deployment ng mga tren, naantala

MANILA, Philippines – Naantala ang deployment ng mga tren ng Light Rail Transit (LRT-1) makaraang masira ang ‘catenary wire’ nito sa LRT depot sa Baclaran na siyang nagbibigay ng po­wer supply sa mga bagon.

Nabatid mula sa command center ng LRT-1 na dakong alas-5:30 ng umaga nang masira ang catenary wire at dahil sa nangyari ay 13 tren lamang ang nai-deploy na bumiyahe mula Baclaran sta­tion patungo ng Roosevelt Ave. station.

Napag-alaman na ang normal na bu­mi­biya­heng tren araw-araw ay 28 at da­hil sa hindi inaasahang pangyayari ay hu­maba ang pila ng mga pasahero sa bawat istas­yon ng LRT-1.

Patuloy naman ang pagkukumpuni ng engi­­neering team ng LRT-1 sa nasirang wire.

Pinapayuhan ng pamunuan ng LRT-1 ang mga pasahero na maghanap ng alter­natibong masasakyan upang hindi ma­abala sa kanilang mga lakad.

“LRT-1 passengers are advised to con­sider other options to avoid delays on their trips,” ayon pa sa abiso.