Magkapatid na paslit, natusta sa sunog
MANILA, Philippines – Patay ang magkapatid na paslit matapos tupukin ng apoy ang may 40 kabahayan habang nasa 100 pamilya ang nawalan ng tirahan, kahapon ng madaling araw sa Las Piñas City.
Kinilala ang mga nasawi na sina Eunice Benigal, 2-anyos at ang sanggol na kapatid nitong si Princess Nicole Benigal, 1.
Sugatan naman ang hindi pa kilalang babae matapos tumalon sa bintana ng kanyang bahay dahil sa labis na pagkataranta.
Nabatid na naiwan at na-trap ang mga biktima sa loob ng kanilang bahay dahil wala ang kanilang mga magulang na sina Roselyn Benigal at Richard Palmones ng sumiklab ang sunog.
Ayon kay FO1 Timothy Mangabat, Arson Investigator ng Las Piñas City Bureau of Fire Protection (BFP), nagsimula ang sunog alas-12:34 kahapon ng madaling-araw sa Everlasting Homes, Brgy. Talon 4 ng natu-rang siyudad. Tinitingnan ang anggulong hinggil sa naiwanang kandila ang posibleng pinagmulan ng sunog.
Mabilis na kumalat ang apoy at humigit kumulang sa 40 kabahayan ang natupok.
Umabot hanggang ikatlong alarma ang sunog at alas-2:55 ng madaling-araw nang idek-lara itong under control.
- Latest