PNR ‘purdoy’, walang budget para bumili ng tren

MANILA, Philippines - ‘Purdoy’ ang Philippine National Railway (PNR) dahil walang pondo upang bumili ng mga bagong tren.

Aminado si PNR General Manager Allan Dulay, na kulang ang kanilang operational na mga tren sa rami ng mga taong sumasakay sa PNR. Sa ngayon aniya ay 50 porsiyento ang over capacity ng kanilang mga tren ngunit naisin man nilang bumili ng mga bagong tren upang masolusyunan ang problema ay wala pa silang budget para rito.

Napaulat na araw-araw na nahihirapan ang mga commuters ng PNR dahil siksikan sila palagi sa mga tren.

Nakakadagdag pa sa kanilang problema ang maiigsing platform sa mga istasyon ng mga tren ngunit sinolusyunan na ito ng pamunuan ng PNR.

Nabatid na bawat station platform ay dinugtungan ng 200 metro at posibleng makumpleto ang konstruksyon ng mga ito hanggang sa Oktubre 2016.