LP Vice mayoralty bet Asilo, nangunang muli sa survey sa Maynila
MANILA, Philippines - Lubhang kinasiya kahapon ni Liberal party Manila vice mayoralty bet at Rep. Benjamin “Atong” Asilo ang pangunguna niya sa Manila Vice Mayoralty race sa resulta ng survey nuong Abril ng D’ Strafford Reasearch and Strategies, Inc., katuwang ng smart poll research center.
Sa nabanggit na survey nanguna si Rep. Asilo na tinaguriang Pambato ng Tundo na nakapagtala siya ng 38 porsyento kontra kay Councilor Ali Atienza na nakapagtala ng 29 porsyento, pumangatlo naman si Rep. Maria Theresa Bonoan David – 20 porsyento at pang-apat si Honey Lacuna – 11 porsyento.
Sa mayoralty race, nanguna si Mayor Joseph Erap Estrada na nakapagtala ng 47 porsyento kontra kay dating mayor Alfredo Lim – 34 porsyento at Rep. Amado Bagatsing – 18 porsyento.
Kasabay nito, pinasalamatan ng anak ng public vendor ng Pritil market ang Manileño patuloy na pagtangkilik sa kanya simula pa nuong inihalal siya bilang kagawad at kapitan ng barangay, konsehal at ngayon ay magtatapos siya sa 9 na taong panunungkulan bilang kongresista.
“Marahil ay naramdaman ng publiko ang aking matapat at masipag na paglilingkod sa aking panunungkulan sa pamamagitan ng mga proyektong naisagawa para sa mamamayan”, diin pa ni Rep. Asilo.
- Latest
